ငှက်ငယ်သို့

ဝမ်းစာရှာတဲ့ ညဥ့်ငှက်ငယ်ရယ်
ဘယ်လိုအမှောင်မျိုးကိုမှ
ဘ၀မှာ မင်းကြောက်ရွံ့ပါသလဲကွယ်
မင်းပျော်ဝင်ကျင်လည်နေတဲ့
အမှောင်ထုရဲ့ ရက်စက်စွာ ၀ါးမျိုခြင်းကို
မင်းကိုယ်တိုင်မှ သိပါရဲ့လားကွယ်
ပေးလိုက်ရတာနဲ့ ပြန်ရလိုက်တာနှိုင်းရင်
ညမှာကျတဲ့ မျက်ရည်စက်တွေဟာ
အမှောင်ထဲမှာပဲ တိုးတိတ်ပျောက်ကွယ်သွားလေရဲ့
အိုငှက်ငယ်ရယ်
မင်းရင်ထဲမှာဖြင့် အလင်းတွေရှိရင်လေ
အချိန်တွေမနှောင်းသေးခင်
သာယာတဲ့ ဘ၀လေးတခုကိုတည်ဆောက်
နွေးထွေးတဲ့နေရောင်အောက်မှာပေါ့။ ။